"Милан" Жоау Феликс, Кайл Уокер ва Риккардо Соттиль клубни тарк этганини эълон қилди.
Италия клуби Жоау Феликс, Кайл Уокер ва Риккардо Соттилнинг ижара шартномаси муддати якунлангани сабабли клубни тарк этганини эълон қилди. Футболчиларни клуб сотиб олмади.
Феликс 2025 йилнинг февралида "Челси"дан "Милан"га ўтган эди. У барча мусобақаларда 21 та ўйин ўтказиб, учта гол ва битта голли узатмани амалга оширди.
Уокер қишда миланликлар томонидан "Манчестер Сити"дан ижарага олинган эди. А Сериянинг 11 ўйинида ўнг қанот ҳимоячиси 1 та сариқ карточка олди.
Соттиль "Фиорентина"дан ижарага олинди. У саккизта ўйинда майдонга тушиб, гол ура олмади.













