Альфредо Педулла хабарига кўра, "Интер" "Лацио" марказий ярим ҳимоячиси Николо Ровеллани ўз сафига қўшиб олишга ҳаракат қилган.
Миланликлар футболчи учун 35 миллион евро + Кристиан Асланини таклиф қилди, у римликларга маълум шартлар асосида мажбурий сотиб олиш шарти билан ижарага ўтиши мумкин.
Ўз навбатида "Лацио" бу таклифни рад этиб, 23 ёшли италиялик футболчи жамоани фақатгина 50 млн евро эвазига тарк этиши мумкинлигини айтди.
Эслатиб ўтамиз, Николо "бургутлар" сафида 2023 йилнинг ёзидан буён тўп тепиб келмоқда, ўшанда клуб уни "Ювентус"дан сотиб олиш ҳуқуқи билан 2 мавсумга ижарага олган эди.
Ўшандан бери хавбек 74 та ўйинда 6 та голли узатмани амалга оширди.
