Португалиянинг "Бенфика" клуби бош мураббийи Бруну Лаже клублар ўртасидаги жаҳон чемпионати 1/8 финалидан ўрин олган Лондоннинг "Челси" клубига қарши ўйин натижасига изоҳ берди.
Учрашув қўшимча бўлимларда 4:1 ҳисобида инглиз клуби фойдасига ҳал бўлди.
"Қўшимча бўлимларнинг биринчи қисмида ажойиб ўйнадик, бизда қарши ҳужумларда тўртта имконият бўлди ва камида битта гол уришимиз мумкин эди. Аммо кейин гол ўтказиб юбордик ва ўйин тугади. Бунга кўникиш қийин," - дея мутахассиснинг сўзларини келтиради А Бола.
Лаженинг қўшимча қилишича, унинг жамоаси камчиликда қийинчиликка дуч келган ва бу ҳал қилувчи омиллардан бирига айланган.
