"Манчестер Сити" клублар ўртасидаги жаҳон чемпионати 1/8 финалида "Ал-Ҳилол"га қарши баҳс олиб боради. Ўйин 1 июль куни Тошкент вақти билан 06:00 да бўлиб ўтади.
Журналистлар испанияликдан ўтмишда "шаҳарликлар" шарафини ҳимоя қилган саудияликлар жамоаси ҳимоячиси Жоау Канселу ҳақида сўраш имкониятини қўлдан бой бермади.
"Унинг юраги кенг, аммо у [Манчестер Сити]да ўйнамагани учун хафа бўлди. У футбол ўйнашни яхши кўради. Унинг "Барселона"да ўйнаганидан, ҳозир эса бу ерда, "Ал-Ҳилол"да ўйнаётганидан хурсандман. Унинг жароҳатдан қайтганидан хурсандман. Жоау Европа ва АПЛнинг энг яхши қанот ҳимоячиси. Уни яна кўришдан хурсанд бўламан," - дея Гвардиоланинг сўзларини келтиради City Report.
