АҚШ терма жамоаси устози Маурисио Почеттино КОНКАКАФ Олтин Кубоги чорак финалида Коста-Рика терма жамоаси устидан қозонилган ғалаба ҳақида гапирди.
Учрашув 2:2 ҳисобидаги дуранг билан якунланган бўлса, пенальтилар сериясида америкалик футболчилар аниқроқ бўлишди - 4:3.
"Жуда мамнунман, шогирдларим учун хурсандман. Улар характер кўрсатишди. Биз учун бундай тажрибага эга бўлиш муҳим. Бу бебаҳо. Уни биргаликда тўплашимиз муҳим," - дея изоҳ берди аргентиналик мутахассис матбуот анжуманида.
КОНКАКАФ Олтин Кубоги ярим финал босқичида Почеттино шогирдлари Гватемала терма жамоасига қарши майдонга тушади.













