"Челси" маълум шартлар асосида вингер Нони Мадуэкени сотиш имкониятини кўриб чиқишга тайёр.
"Кўклар" 23 ёшли футболчи учун бонуслардан ташқари камида 45 млн фунт (тахминан 52,5 млн евро) ишлаб олмоқчи, дея хабар бермоқда журналист Бен Жейкобс. Ҳужум чизиғига яна бир футболчи қўшилса, инглизнинг кетиш эҳтимоли ортади.
Нони Мадуэкега Лондоннинг бошқа бир гранди - "Арсенал" жиддий қизиқиш билдирмоқда. Вингернинг амалдаги шартномаси 2030 йилгача мўлжалланган бўлиб, уни бир йилга узайтириш имконияти мавжуд.
Мадуэке жорий мавсумда Энцо Мареска жамоаси сафида 44 ўйинда майдонга тушиб, 11 гол ва бешта ассистни ўз ҳисобига ёздириб қўйган.
