"Ювентус" ҳужум чизиғини кучайтириш устида ишламоқда. Гап шундаки, ҳужум чизиғида туринликлар Франциянинг "Лилль" клуби билан шартномаси тугаганидан кейин эркин агентга айланган Жонатан Дэвидни ўз сафига қўшиб олмоқда.
Шунингдек, "Ювентус" янги вингер ўз сафига қўшиб олмоқчи. Сўнгги вақтларда Турин клуби 25 ёшли Жейдон Санчо билан ижобий алоқаларга эга бўлди. Бу ҳақда таниқли журналист Жанлука ди Марцио ўз сайтида маълум қилди.
Хабарингиз бор, 2024/2025 йилги мавсум якунлангач, Санчо "Челси"дан ижара асосида "Манчестер Юнайтед"га қайтди. Нуфузли Transfermarkt портали Жейдонни 28 миллион еврога баҳоламоқда.













