Футбол олами Диогу Жота ва унинг укаси Андре Силва учун мотам тутмоқда. Испанияда футболчилар даҳшатли ЙТҲда ҳалок бўлди - уларнинг автомобили йўлдан ариққа тушиб кетди ва ёниб кетди. Афсуски, омон қолишнинг иложи йўқ эди...

Пайшанба куни футболчилар ва клублар Жота ва Силванинг яқинларига ҳамдардлик билдирди. "Реал" ва "ПСЖ" АҚШдаги машғулотлари бир дақиқалик сукут билан бошланган жамоалар қаторидан жой олди. Футболчилар ҳалок бўлганлар хотирасига ҳурмат бажо келтирди.

"Реал" ва "ПСЖ" клублари АҚШда бўлиб турибди ва клублар ўртасидаги жаҳон чемпионатининг чорак финал ўйинларига тайёргарлик кўрмоқда, уларга Бундеслига вакиллари - "Боруссия" ва "Бавария" рақиблик қилади.