"Лион" клубнинг Лига 2 даражасига тушиб кетмаслиги учун 10 июлга қадар ҳисобни 100 миллион еврога тўлдириши керак. Кўрсатилган кунда "шерлар"ни четлатиш тўғрисидаги иш Франция футбол федерацияси ҳузуридаги молиявий регуляторнинг апелляция комиссияси томонидан кўриб чиқилади. Бу ҳақда L’Equipe хабар бермоқда.
Манбага кўра, бундан ташқари, "Лион" мавсум давомида мажбуриятларни қоплаш учун 100 млн евродан ортиқ қўшимча кафолат тақдим этиши керак бўлади. "Шерлар" бир вақтнинг ўзида барча маблағни киритмаслиги керак, аммо ушбу маблағлар таъминланишини тасдиқлаши шарт.
