"Флуминенсе" ҳимоячиси Тьяго Силва клублар ўртасидаги жаҳон чемпионатида "Ал-Ҳилол" ҳимоячиси Калиду Кулибали билан ҳали гаплашмаганини айтди. Улар "Челси"да бирга ўйнашган.
"Умид қиламанки, ўйиндан кейин у билан гаплашамиз. Кулибали мен жуда яхши кўрадиган йигит. У "Челси"га ўтишидан аввал, мендан у билан шартнома имзолаш имконияти ҳақида сўрашди. Мен уни дарҳол танидим, Италия чемпионатини кўп кузатганман. Мен уни таклиф қилишлари мумкинлигини, у ажойиб ўйинчи бўлишини айтиб, розилигимни билдирдим. У буни кўп йиллар давомида, бутун фаолияти давомида исботлаб келган. Лекин ҳозир уни қўллаб-қувватлашнинг вақти эмас! (Кулади) Ўйиндан кейин у билан суҳбатлашамиз," - дея бразилияликнинг сўзларини келтиради ФИФА сайти.
