"Челси" бош мураббийи Энцо Мареска янги футболчиси Жоао Педронинг клублар ўртасидаги Жаҳон чемпионати доирасидаги "Палмейрас"га қарши ўйинда иштирок этадими, деган саволга жавоб берди.

"У таътилда эди, шунинг учун у якка тартибда ишлаган бўлса ҳам, бу жамоа билан ишлашдан фарқ қилади. У ҳозир биз билан эканлигидан жуда хурсандмиз. Эртага у бизга керакми ёки йўқлигини кўрамиз. Агар унга ўйинга вақт бериш имконияти бўлса, у маълум дақиқаларда ўйнайди", деди Мареска.

Клублар ўртасидаги жаҳон чемпионати чорак финали доирасидаги “Челси” – “Палмейрас” учрашуви 5 июль, шанба куни Тошкент вақти билан соат 06:00да бошланади.

Эслатиб ўтамиз, "Челси" "Брайтон"дан 23 ёшли Жоао Педрони деярли 70 миллион евро эвазига сотиб олганди.