"Chelsi" bosh murabbiyi Enso Mareska yangi futbolchisi Joao Pedroning klublar o‘rtasidagi Jahon chempionati doirasidagi "Palmeyras"ga qarshi o‘yinda ishtirok etadimi, degan savolga javob berdi.

"U ta’tilda edi, shuning uchun u yakka tartibda ishlagan bo‘lsa ham, bu jamoa bilan ishlashdan farq qiladi. U hozir biz bilan ekanligidan juda xursandmiz. Ertaga u bizga kerakmi yoki yo‘qligini ko‘ramiz. Agar unga o‘yinga vaqt berish imkoniyati bo‘lsa, u ma’lum daqiqalarda o‘ynaydi", dedi Mareska.

Klublar o‘rtasidagi jahon chempionati chorak finali doirasidagi “Chelsi” – “Palmeyras” uchrashuvi 5 iyul, shanba kuni Toshkent vaqti bilan soat 06:00da boshlanadi.

Eslatib o‘tamiz, "Chelsi" "Brayton"dan 23 yoshli Joao Pedroni deyarli 70 million yevro evaziga sotib olgandi.