"Барселона" дарвозабони Марк-Андре тер Штегенга трансфер бозорида талаб катта. "Блауграна" энди ўз сардорига ишонмайди ва ёзда у билан хайрлашиш ниятида.
Миланнинг "Интер" клуби немис футболчисини қўлга киритиш имкониятини кўриб чиқмоқда. "Нерадзуррилар" раҳбарияти 33 ёшли дарвозабонни, Туркиянинг "Галатасарой"ига ўтиши мумкин бўлган Янн Зоммернинг ўрнини босувчи футболчи сифатида кўрмоқда.
Transfermarkt сайтида Марк-Андре тер Штегеннинг тахминий баҳоси 12 миллион еврога баҳоланмоқда. Футболчининг каталонияликлар билан шартномаси 2028 йилнинг ўрталарига қадар амал қилади.
