"Barselona" darvozaboni Mark-Andre ter Shtegenga transfer bozorida talab katta. "Blaugrana" endi o‘z sardoriga ishonmaydi va yozda u bilan xayrlashish niyatida.
Milanning "Inter" klubi nemis futbolchisini qo‘lga kiritish imkoniyatini ko‘rib chiqmoqda. "Neradzurrilar" rahbariyati 33 yoshli darvozabonni, Turkiyaning "Galatasaroy"iga o‘tishi mumkin bo‘lgan Yann Zommerning o‘rnini bosuvchi futbolchi sifatida ko‘rmoqda.
Transfermarkt saytida Mark-Andre ter Shtegenning taxminiy bahosi 12 million yevroga baholanmoqda. Futbolchining kataloniyaliklar bilan shartnomasi 2028 yilning o‘rtalariga qadar amal qiladi.
