"ПСЖ" вингери Марко Асенсио Италия чемпионатига йўл олиши мумкин, деб хабар бермоқда L'Equipe журналистлари.
Манбага кўра, 29 ёшли хавбек хизматига "Милан" қизиқиш билдирмоқда. Томонлар испанияликнинг эҳтимолий ўтиши бўйича музокаралар жараёнини бошлади. Парижда Асенсио кам ўйин амалиётига эга бўлмоқда. "Россонерилар" сафида унинг ўйин вақти учун имкониятлари анча юқори бўлади.
Ўтган мавсумда Марко барча мусобақаларда 37 та жанг ўтказди. Ярим ҳимоячи ўз ҳисобига ўнта гол ва олтита голли узатмани ёздириб қўйди. Унинг шартномаси 2026 йилнинг ёзигача мўлжалланган, бозор нархи эса 20 млн еврони ташкил этади.
