Англиянинг "Ноттингем Форест" клуби "Ботафого" аъзоси Игор Жезус билан шартнома имзолаганини эълон қилди. Бу ҳақда клуб расмий сайтида маълумот берилган.
Жезус янги жамоаси билан 4 йиллик шартнома имзолади. У ўтмишда "Коритиба" ва БААнинг "Шабаб Ал-Аҳли" жамоаларида ҳам ўйнаган. Унинг ҳисобида Бразилия терма жамоаси сафида 4 та ўйин ва 1 та гол бор.
Бозор нархи 15 миллион еврога баҳоланаётган 24 ёшли футболчи сўнгги мавсумда 29 та ўйинда майдонга тушиб, 9 та гол урди ва 1 та голли узатмани амалга оширди.
