Макс Эберль Жамол Мусиаланинг жароҳати ҳақида кескин фикр билдирди.
Мусиала клублар ўртасидаги Жаҳон чемпионати 1/4 финалининг 1-бўлими охирида "ПСЖ" дарвозабони Жанлуижи Доннарумма билан тўқнашувда тўпиғидан жиддий жароҳат олди, "Бавария" ярим ҳимоячисининг оёғи ғайритабиий тарзда қайрилиб кетди. Уни майдондан замбилда олиб кетишди, шундан сўнг кичик болдир суяги синган деган гумон билан касалхонага олиб кетишди.
"Агар мен 100 килограмм вазнга эга бўлсам ва катта тезликда болдирга сакрасам, нимадир содир бўлиш хавфи жуда катта.
У буни атайлаб қилган деб умуман ҳисобламайман, лекин у ҳеч қандай эҳтиёткорлик кўрсатмади," - деди "Бавария" спорт директори Макс Эберль Sky Sport нашрига берган интервьюсида.
