Германия Бундеслигасида "РБ Лейпциг" сафида тўп тепаётган франциялик ҳимоячи Кастелло Люкеба Англия Премьер-лигасига кўчиб ўтиши мумкин. Бу ҳақда Caught Offside журналистлари хабар бермоқда.
Манбага кўра, 22 ёшли футболчини "Ливерпуль" ўз сафига қўшиб олмоқчи. Мерсисайдликлар хўжайинлари франциялик футболчини сотиб олиш учун 50-55 миллион евро ажратишга тайёр. Футболчининг шартномасида кўрсатилган шарт 90 млн, аммо "буқалар" нархни пасайтиришга тайёр.
2024/2025 йилги мавсумда Кастелло Лукеба немис жамоаси сафида 31 та ўйинда майдонга тушиб, гол урмаган. Унинг "РБ Лейпциг" билан меҳнат шартномаси 2029 йилнинг ярмигача мўлжалланган.
