Лондоннинг "Челси" клуби ҳужумчиси Кристофер Нкунку тез орада клубни тарк этиши мумкин.
Mirror нашрига маълум бўлишича, 27 ёшли футболчи учун курашга "Манчестер Юнайтед" ҳам қўшилган. Манбага кўра, "қизил иблислар" Нкунку учун "кўклар"га тахминан 40 миллион евро беришга тайёр.
Аввалроқ, "Челси" ўз футболчисини сотишдан тахминан 41 миллион евро ишлаб олишга умид қилаётгани ҳақида хабарлар тарқалган эди.
2024/25 йилги мавсумда Нкунку 46 та ўйинда 15 марта рақиблар дарвозасини ишғол қилишга муваффақ бўлди. Бундан ташқари, франциялик футболчи ҳисобида бешта ассист мавжуд.
