Инглиз ҳужумчиси Жейми Варди клуб раҳбарияти трансферни расмийлаштиришга тайёр бўлишига қарамай, "Женоа"га ўтмайди.
La Repubblica нашри маълумотларига кўра, Генуя жамоасининг бош мураббийи Патрик Виейра бу битимга қатъиян қарши чиқди.
Франциялик мутахассис 38 ёшли тўпурарнинг ўтишига вето қўйди. Ҳозирги вақтда Варди эркин агент ҳисобланади. Бу ёзда ҳужумчи 2012 йилдан бери ҳимоя қилиб келган "Лестер" жамоасини тарк этди.
Эслатиб ўтамиз, ўтган мавсумда Генуя жамоаси турнир жадвалида 13-ўринни эгаллаган эди. Виейра шогирдлари 38 ўйинда 43 очко тўплаган.
