7 июлга ўтар кечаси КОНКАКАФ Олтин Кубогининг АҚШ – Мексика финал учрашуви бўлиб ўтди. Учрашув мексикаликларнинг 2:1 ҳисобидаги ғалабаси билан якунланди.

Мексикаликларнинг биринчи голини Раул Хименес киритди. “Фулхэм” ҳужумчиси гол урганидан кейин майдонга ўтириб, гўёки геймпадда ўйнагандек бўлди – Диого Жота ўз голларини шундай нишонларди. Унинг ёнида португалияликнинг исми ва ўйин рақами ёзилган Мексика терма жамоаси либоси ҳам бор эди.

Фожиа 3 июль куни содир бўлган. 28 ёшли Жота ва унинг укаси кетаётган Ламборгҳини автомобили шинаси ёрилиши оқибатида бошқарувни йўқотиб, йўлдан чиқиб, ариқга тушиб кетган ва ёниб кетган. Ҳайдовчи ва йўловчи воқеа жойида вафот этган.

Жота 2020 йилдан буён “Ливерпуль” сафида ўйнаб келаётганди ва 182 ўйинда 65 та гол урганди ҳамда 26 та голли узатмани амалга оширганди. Клуб раҳбарияти 20-рақамни муомаладан чиқариб, уни Жотага абадий топширишга қарор қилди.

Видеони мана шу ерда томоша қилишингиз мумкин.