Инсайдер Хорхе Си Пиконнинг сўзларига кўра, "Лос-Бланкос" бош мураббийи Хаби Алонсо жамоанинг ёш истеъдоди Эндрикнинг позициясини ўзгартириш имкониятини кўриб чиқмоқда.

Ўтган мавсумда Карло Анчелотти қўл остида Эндрик кўпинча чекланган ўйин вақтига эга эди. 2025/26 йилги мавсумда 18 ёшли форвард Килиан Мбаппе ва ЖЧ-2025 юлдузи Гонсало Гарсия билан ҳужум марказидан жой олиш учун курашиши керак, бу эса яна мунтазам ўйин етишмаслигига олиб келиши мумкин.

Бу борада Хаби Алонсо муқобил вариантларни кўриб чиқмоқда. Пикон хабарига кўра, мураббий Хендрикни ўнг қанот вингери сифатида ишлатиш вариантини кўриб чиқмоқда.

2024/25 йилги мавсумда Эндрик клуб миқёсидаги барча турнирларда майдонда атиги 847 дақиқа ўтказиб, 7 та гол урди ва 1 та голли узатмани амалга оширди.