Журналист Альфредо Педулланинг ёзишича, кеча тунда "Лидс" ва "Торино" ўртасида дарвозабон Ваня Милинкович-Савич бўйича музокаралар муваффақиятли ўтган.
Энди АПЛ клуби А Сериядан ташқаридаги жамоалар учун 20 миллион евродан сал кўпроқ бўлган футболчи товон пулини фаоллаштиришга қарор қилиши мумкин. Маълум бўлишича, ушбу банд июль ойининг охиригача амал қилади.
Қайд этилишича, сербияликка "Наполи" ҳам қизиқиш билдирмоқда, аммо Италиянинг амалдаги чемпионлари ҳали аниқ қадам ташламаган.
Қўшимча қиламизки, Ваня Милинкович-Савич 2024/25 йилги мавсумда "Торино" сафида А Серияда 37 та ўйинда 10 бор дарвозасини дахлсиз сақлаб қолди.













