Ёзги трансферлар айни авжига чиққан паллада Европанинг топ-клублари ўз таркибларини кучайтириш устида ишламоқда. Трансфер янгиликларининг қаҳрамонларидан бири "Реал" ҳужумчиси Родриго бўлиб, у клублар ўртасидаги жаҳон чемпионатида кам ўйин амалиётига эга бўлмоқда. Матбуот Родригони бир нечта топ-клублар билан боғламоқда.

Transfer News Live нашрининг журналист Грэм Бэйли маълумотига таяниб хабар беришича, Родригонинг вакиллари билан боғланган клублар орасида "Ливерпуль" ҳам бор.

Аввалроқ, Родриго ЖЧ-2026да иштирок этиш истаги туфайли "Реал"ни тарк этиши мумкинлиги ҳақида хабарлар тарқалган эди. Агар бразилиялик янги мавсумда кам ўйнаса, унда Карло Анчелотти уни чақирмаслиги мумкин.