"Манчестер Сити" ҳужумкор ярим ҳимоячиси Жек Грилишнинг келажаги мавҳумлигича қолмоқда. "Шаҳарликлар" 29 ёшли футболчи билан хайрлашишга қизиқиш билдирмоқда, аммо инглиз учун трансфер талабини қондирмоқчи бўлганлар унчалик кўп эмас. Шу билан бирга, CaughtOffside хабарига кўра, Грилишга Саудия Арабистонида жиддий талаб бор: номи ошкор этилмаган бир нечта Саудия клублари уни дунёдаги энг кўп маош олувчи футболчилардан бирига айлантиришга тайёр.

Жек Грилишнинг "Манчестер Сити" билан шартномаси 2027 йилнинг ярмигача мўлжалланган бўлиб, унинг трансфер нархи Transfermarkt портали талқинига кўра, 28 млн еврони ташкил этади.