Испания терма жамоаси ва «Реал» дарвозабони Икер Касильяс Конфдерациялар кубоги ярим финал учрашувидан олдин журналистларнинг саволларига жавоб берди.
«Ўтган мавсум фаолиятимдаги энг ёмони бўлди. Сабаби, жароҳатолгандим. 14 йиллик давомий фаолиятдан сўнг тўрт ой ўйиндан ташқари ҳолатда қолиб кетиш жуда оғир. Шунингдек биз ҳеч нарса юта олмаганимиз ҳам аламли бўлди».
«Мен ҳар бир ўйиндан охиргисида майдонга тушгани сингари роҳат оламан. Жаҳон чемпионатидан сўнг терма жамоадан кетишга қарор қилдим».
«Ўзим учун оғир бўлган кунларда «Реал»дан кетиш ҳақида ҳам ўйлаб қолдим, аммо энди бу ерда эканимдан бахтлиман. Кийиниш хонасида жамоадошларимнинг эътиборини ҳис қиламан. Жамоа манфаати учун кўпинча тишимни тишимга босиб чидашга мажбур бўлдим», дейди Касильяс.
32 ёшли дарвозабон Испания терма жамоаси шарафини 2000 йилдан буён ҳимоя қилиб келмоқда. Бу вақт оралиғида Касильяс 146 та учрашувда майдонга тушган ва 84 та гол ўтказиб юборган.













