"Бёрнли" марказий ҳимоячиси Максим Эстев "Тоттенхэм"га ўтиши мумкин. Бу ҳақда журналист Себастьен Видаль хабар бермоқда.
Манбага кўра, "шпорлар" 23 ёшли франциялик футболчининг трансфери бўйича "Бёрнли" билан музокараларни қайта бошлаган. Таъкидланишича, "Тоттенхэм" жамоани тарк этадиган Кристиан Ромерога ўринбосар сифатида Эстевни кўрмоқда.
Ўтган Чемпионшип мавсумида Эстев 46 та учрашувда қатнашиб, битта гол урган.
Ҳимоячининг "Бёрнли" клуби билан меҳнат шартномаси 2029 йилгача мўлжалланган. Transfermarkt экспертлари футболчининг нархини 20 миллион еврога баҳоламоқда.
