"ПСЖ" марказий ярим ҳимоячиси Ренату Саншеш ёзги трансфер ойнасида клубни тарк этиши мумкин. Бу ҳақда инсайдер Николо Скира хабар бермоқда.
Манбага кўра, парижликлар ўтган мавсумни "Бенфика"да ижарада ўтказган 27 ёшли португалияликка умид қилмаяпти. Саншешнинг ўзи француз грандини тарк этишга тайёрлиги айтилмоқда. Саншеш "ПСЖ" сафида 2022 йилдан буён тўп тепиб келмоқда.
Парижликлар сафида у 27 та ўйинда майдонга тушиб, икки марта рақиблар дарвозасини ишғол қилган.
Футболчининг "ПСЖ" билан шартномаси 2026/27 йилги мавсум охиригача мўлжалланган. Transfermarkt экспертлари португалияликнинг нархини уч миллион еврога баҳоламоқда.
