"Брайтон" марказий ҳужумчиси Эван Фергюсон "Рома"га ўтиши мумкин. Бу ҳақда инсайдер Фабрицио Романо хабар бермоқда.
Манбага кўра, "Рома" 20 ёшли ирландиялик футболчининг ижараси устида ишлашда давом этмоқда. Таъкидланишича, "Брайтон" Фергюсон бўйича таклифларга очиқ. Футболчининг маошини тўлиқ "Рома" ўз зиммасига олади.
Фергюсон ўтган мавсумнинг иккинчи қисмини "Вест Хэм"да ижарада ўтказганди. Бу оралиқда у бор-йўғи саккизта ўйин ўтказиб, ўз ҳисобига бирорта ҳам самарали ҳаракат ёза олмади.
Transfermarkt мутахассислари форварднинг нархини 25 миллион еврога баҳоламоқда.
