Вингер Нико Уильямс яқинда "Атлетик" билан шартномасини ўн йилга узайтирди ва "Барселона"га ўтиш вариантидан воз кечди. Испаниянинг Sport нашри хабарига кўра, ўтган ҳафта ресторанда "кўк-анорранглилар" мухлиси клуб президенти Жоан Лапортага Уильямс билан боғлиқ вазият ҳақида савол берган. "Барса" раҳбари жавоб берди.
"Биз унинг агенти футболчига эркин агент мақомини бериш ҳақидаги шартнома бандига қўшилмаймиз. Биз 60 миллион евро тўлаб, кейин футболчини текинга қўйиб юбормоқчи эмасмиз. Бундай бўлмайди," - деганди Лапорта.
Аввалроқ, Нико Уильямснинг агенти "Барселона"дан шартномага рўйхатдан ўтиш кафолатларини киритишни сўрагани хабар қилинганди. Бундай ҳолатда, агар Каталония клуби уни рўйхатдан ўтказмаса, Нико эркин агент сифатида кетиши мумкин эди.
