"Арсенал" ва "Челси" ўртасида яхши иш муносабатлари мавжуд ва кўпинча трансфер бозорида шартномалар тузади. Яқинда дарвозабон Кепа Арризабалага "пенсионерлар" лагеридан "канонирлар" сафига келиб қўшилди. Яқин келажакда қанот ҳужумчиси Нони Мадуэке ҳам худди шундай йўлдан бориши мумкин.
Дэвид Орнштейн хабарига кўра, "Арсенал" Мадуэке борасида "Челси" билан музокарага киришган. "Канонирлар" 23 ёшли вингер билан 5 йиллик шартнома имзолаганидан кейин клублар музокаралар олиб бормоқда.
Нуфузли Transfermarkt портали Нони Мадуэкени 40 миллион еврога баҳоламоқда.













