"Пари Сен-Жермен" жамоаси бош мураббийи Луис Энрике клублар ўртасидаги жаҳон чемпионати ярим финалидан ўрин олган "Реал"га (4:0) қарши ўйиндан сўнг Хаби Алонсо ҳақида гапирди.
"Қаймоқранглилар" янги мураббий қўл остида илк мағлубиятини қабул қилиб олди ва турнирдаги иштирокини якунлади. "ПСЖ" финалда "Челси"га қарши ўйнайди.
"Хаби Алонсога ҳеч нарсани исботлаш шарт эмас - у жамоа билан мавсумолди тайёргарликни тўлақонли ўтказиши керак. Мен "ПСЖ"да икки йилдан бери ишлайман, у эса "Реал"га эндигина келган, шунинг учун таққослашлар ноўрин," - деди Энрике ўйиндан кейинги ОАВ билан суҳбатда.
