Гонсалу Рамуш "Реал"га қарши ўйинда голини Диогу Жотага бағишлади.
Клублар жаҳон чемпионати ярим финалида ПСЖ "Реал"ни 4:0 ҳисобида тор-мор қилди. Рамуш 87-дақиқада гол уриб, Жота услубида геймпадда ўйнаётгандек ҳаракатлар билан нишонлади.
"Бу ҳақда ортиқча гап айтишнинг ҳожати йўқ. Мен шунчаки дўстимнинг хотирасини ёд этиш учун гол урмоқчи эдим. Бу жуда муҳим эди, шунинг учун воқеадан кейин кўп вақт ўтмасидан иложи борича тезроқ гол уришга интилдим", - деди "ПСЖ" ва Португалия миллий терма жамоаси ҳужумчиси.













