Лондоннинг "Арсенал" аёллар клуби "Ливерпуль" футболчиси Оливия Смитни 1 миллион фунт стерлингга (1,16 миллион евро) сотиб олиб, аёллар футболидаги энг қиммат харид бўйича жаҳон рекордини янгилайди. Бу ҳақда Британиянинг The Guardian нашри хабар берди. Аёллар футболи тарихида ҳеч қачон бир футболчи учун бундай пул тўланмаган.
Оливия 20 ёшда, у ҳужумчи сифатида ўйнайди. У 2024 йилдан бери "Ливерпул"да ўйнамоқда. "Мерсисайдликлар" сафидаги дебют мавсумида Смит Аёллар Суперлигасининг 20 учрашувида 7 та гол урди. Эътиборлиси, бир йил аввал "Ливерпуль" Оливия Смит учун 250 минг фунт тўлаган эди. Қайд этиш керакки, серқирра футболчи Канада терма жамоасини халқаро миқёсда ҳимоя қилади.
