Италиянинг "Милан" клуби собиқ футболчиси Филиппо Галли Массимилиано Аллегрининг жамоани қабул қилиб олишига муносабат билдирди.
"У футболни жуда яхши билади, ўйинларни ўқий олади ва ўйинлар давомида тузатишлар киритади. Аммо шуни айтишим керакки, Аллегрининг сўнгги йиллардаги "Ювентус"и менга унчалик ёқмади. У футболни ҳаддан ташқари соддалаштириб юборди, бундай тажрибалар натижа бермаганда эса мураббий ўзини четга олади," - дея Галлининг сўзларини келтиради pianetamilan.it.
Ўтган мавсумда "Милан" А Серияда саккизинчи ўринни эгаллаган эди.













