"Манчестер Юнайтед" футболчиси Маркус Рэшфорд ҳамон клубнинг трансфер мақсадлари қаторидан жой олган.
Яқинда жамоа бош мураббийи Ханс-Дитер Флик ва клуб президенти Жоан Лапорта англиялик вингернинг агенти билан учрашувда уни сотиб олиш масаласини муҳокама қилишган эди.
Журналист Хави Мигелнинг маълум қилишича, спорт директори Деку, ўз навбатида, 27 ёшли футболчини таклиф қилиш ғоясини қўллаб-қувватламайди. "Барселона" спорт раҳбариятида ҳамон ҳужум қанотини кучайтириш учун энг яхши номзод борасида келишмовчиликлар мавжуд.
Маркус Рэшфорднинг машҳур Transfermarkt порталидаги тахминий нархи - 50 млн евро.
