"Челси" қанот вингери Педру Нету ЙТҲда вафот этган "Вулверхэмптон"даги собиқ шериги Диогу Жота учун жамоа билан клублар ўртасидаги жаҳон чемпионатида ғолиб бўлишни истаётганини тан олди.
13 июль куни бўлиб ўтадиган мусобақа финалида "Челси" "ПСЖ"га қарши баҳс олиб боради.
"Якшанба куни майдонга тушганимда, билингки, Диогу Жота учун бу мусобақада ғолиб бўлишни истайман. У ҳар доим мен билан бирга бўлган. Англияга келганимда, Диогу дарҳол менга ёрдам беришга тайёр бўлди. Мен жуда ёш эдим ва янги мамлакатга келдим, у эса "Вулверхэмптон"нинг асосий ўйинчиларидан бири эди. Аммо у менга ва оиламга катта ёрдам берди ва мен ундан футболда ва ҳаётда кўп нарсаларни ўргандим," - дея Нетунинг сўзларини келтиради "Челси" матбуот хизмати.
