"Chelsi" qanot vingeri Pedru Netu YTHda vafot etgan "Vulverxempton"dagi sobiq sherigi Diogu Jota uchun jamoa bilan klublar o‘rtasidagi jahon chempionatida g‘olib bo‘lishni istayotganini tan oldi.
13 iyul kuni bo‘lib o‘tadigan musobaqa finalida "Chelsi" "PSJ"ga qarshi bahs olib boradi.
"Yakshanba kuni maydonga tushganimda, bilingki, Diogu Jota uchun bu musobaqada g‘olib bo‘lishni istayman. U har doim men bilan birga bo‘lgan. Angliyaga kelganimda, Diogu darhol menga yordam berishga tayyor bo‘ldi. Men juda yosh edim va yangi mamlakatga keldim, u esa "Vulverxempton"ning asosiy o‘yinchilaridan biri edi. Ammo u menga va oilamga katta yordam berdi va men undan futbolda va hayotda ko‘p narsalarni o‘rgandim," - deya Netuning so‘zlarini keltiradi "Chelsi" matbuot xizmati.
