Селекция ишларини фаол олиб бораётган “Андижон” жамоамиз ўз сафини полшалик легионер Кристиан Новак билан тўлдирди.

Маълумот учун, Новак 1994 йилнинг 1 апрель куни Польшада таваллуд топган. У марказий ҳимоячи позициясида тўп суради.

Новак фаолияти давомида “Лодз” (Польша), “Турек” (Польша), “Видзев Лодз” (Польша), “Подбескидзе” (Польша), “Мидлотиан” (Шотландия), “Панионис” (Греция), “Славен” (Хорватия), “Клуж” (Руминия), “Богемиан” (Ирландия) ва “Женис” (Қозоғистон) клубларида тўп сурган.

Кристиан Новак бунга қадар “Женис” таркибида бир ярим йил фаолият олиб борган ҳолда у ерда 40 та ўйинда майдонга тушган.

Польшалик легионер билан 1,5 йилга мўлжалланган шартнома тузилди.