"Барселона" клуби ва Хорватия терма жамоасининг собиқ ярим ҳимоячиси Иван Ракитич Каталония клубида бирга тўп тепган Неймар, Лионель Месси ва Луис Суарес триоси ҳақида гапирди.

"Бу ғирт тентаклик эди. Машғулотларда уларни бирга қўйиб бўлмасди, бундан ҳеч қандай маъно йўқ эди. Айниқса, "Барселона"да "ПСЖ"дагига қараганда бутунлай бошқача Неймарни кўргандик. У Мессига жуда яқин эди ва уларни кузатиш шунчаки ақл бовар қилмасди. Бундан ташқари, ҳужум марказида ҳар бир имкониятдан гол урадиган йигитимиз бор эди, у ажойиб гол сезиш қобилиятига эга эди. Бу ақл бовар қилмайдиган нарса эди. Ўйлайманки, бундай ҳужумкор учлик бошқа ҳеч қачон бўлмайди," - дея Ракитичнинг сўзларини келтиради Sport.es.

Июль ойида Ракитич профессионал фаолиятини якунлаганини расман эълон қилди.