Саудия Арабистонининг "Ал-Аҳли" клуби бразилиялик ҳужумчиси Роберто Фирмино фаолиятини Қатарда давом эттиради. Бу ҳақда нуфузли инсайдер Фабрицио Романо хабар бермоқда.
Манбага кўра, 33 ёшли футболчи "Ас-Садд"га ўтмоқда. Ҳужумчи Осиё Чемпионлар Лигасидаги ғалабадан сўнг "Ал-Аҳли"ни тарк этишга қарор қилган ва Қатар клуби билан шартнома имзолаган.
Фирмино 2023 йилдан буён "Ал-Аҳли" шарафини ҳимоя қилиб келаётганди. Бу вақт ичида ҳужумчи барча турнирларда 65 та ўйинда майдонга тушиб, 21 та гол урди ва 17 та голли узатмани ўз ҳисобига ёздириб қўйди.
Transfermarkt портали мутахассислари футболчининг нархини беш миллион еврога баҳоламоқда.
