Италиянинг "Фиорентина" клуби тез орада Испаниянинг "Барселона" клуби ҳимоячиси Эман Кошпо билан шартнома имзолайди. Бу ҳақда журналист Альфредо Педулланинг сайти хабар бермоқда.
Битим қиймати бир миллион евродан сал камроқни ташкил этди ва кейинги сотувдан фоизларни тўлаш тўғрисидаги бандни ўз ичига олади. Қайд этилишича, "Фиорентина" марказий ҳимоянинг истиқболли футболчисини узоқ вақт давомида кузатиб борган. Ҳозир томонлар келишув учун зарур бўлган сўнгги ҳужжатларни алмашмоқда.
Боснияда туғилган 18 ёшли швейцариялик футболчи ҳали "Барселона"нинг асосий таркибида майдонга тушмаган. Ўтган мавсумда Кошпо U19 жамоаси сафида ички мусобақаларда иштирок этган, шунингдек, УЕФА Ёшлар лигаси ўйинларида 8 марта майдонга тушган.













