"Фиорентина" ҳужумчиси Мойзе Кин Саудия Арабистонининг "Ал-Ҳилол" клубига ўтишни истамаяпти. Саудия клуби унга йилига 20 миллион евро тўлашга тайёр эди, дея хабар берди журналист Николо Скира.
Манбага кўра, "Фиорентина" Кин билан янги беш йиллик шартнома имзолаб, унинг маошини 4,5 миллион еврога оширишни таклиф қилган. Музокаралар 17-18 июль кунларига мўлжалланган. 15 июлга қадар 52 миллион евролик товон пули бор, бироқ футболчи Европада қолишни истамоқда.
"Фиорентина"да 25 ёшли футболчи 44 та ўйинда 25 та гол урди ва 3 та голли узатмани амалга оширди.
