“Лейпциг” ҳужумчиси Лоис Опенда фаолиятини “Интер”да давом эттириши мумкин, дея хабар беради Corriere dello Sport.

Манбага кўра, “нерадзурри”лар 25 ёшли бельгиялик футболчи шорт-листига киритган.

Шунингдек, “Интер” клуби Кристофер Нкунку трансферига ҳам қизиқиш билдирган. У “Челси”ни тарк этишга тайёр.

Опенда ўтган мавсум “Лейпциг” сафида барча мусобақаларда 45 та ўйинда 13 та гол ва 11 та голли узатмани амалга оширган.

Трансфермаркт портали форваднинг бозор қийматини 50 миллион еврога баҳолаган.