"Порту" клуби қанот ҳужумчиси Франсишку Консейсау Англияга ўтишдан воз кечди. 22 ёшли футболчини ўз сафига қўшиб олишга "Ноттингем Форест" ва "Эвертон" клублари қизиқиш билдирган эди - иккала клуб ҳам "аждарҳо"лар талаб қилган 30 миллион евро миқдоридаги товон пулини тўлашга рози бўлган. Бироқ, инсайдер Фабрицио Романонинг маълум қилишича, португалиялик футболчи "Ювентус"га ўтишга умид қилаётгани ва бошқа вариантларни кўриб чиқишни истамагани сабабли Премьер-лиганинг ҳар иккала вакилига рад жавобини берган.

"Эвертон"нинг Консейсауга қизиқиши ҳақида бошқа манба ҳам хабар берган эди, шунингдек, "Ювентус" ва "Порту" ўртасида деярли келишувга эришилгани ҳақида ҳам маълумотлар тарқалган эди. Романо бу маълумотларни тасдиқлади.