Лондоннинг "Арсенал" клуби чап қанот ҳимоячиси Александр Зинченко жорий трансферлар даврида сотиб юборилиши мумкин.
28 ёшли футболчига турли клублар, жумладан, "Милан" ва Мадриднинг "Атлетико" клублари қизиқиш билдирган, бироқ бу жиддий натижага олиб келмаган. Журналист Сами Мокбелнинг сўзларига кўра, "Арсенал" футболчини сотишга фаол ҳаракат қилмаяпти, аммо у бўйича таклифларни бажонидил кўриб чиқади, вазиятни кузатиб бораётган потенциал даъвогарлар бундан хабардор.
Александр Зинченконинг transfermarkt порталидаги баҳоси 20 млн еврога тенг. Ҳимоячининг "канонирлар" билан амалдаги шартномаси келаси йилнинг ярмигача мўлжалланган.
