"Манчестер Сити" ва "Бавария" "ПСЖ" дарвозабони Жанлуижи Доннарумманинг ҳолатини кузатиб бормоқда, деб хабар берди Х инсайдери Николо Скира ижтимоий тармоғида.
Аввалроқ, 26 ёшли италияликнинг Париж клубидаги келажаги унинг шартномани узайтириш истагига боғлиқ экани маълум бўлганди.
Доннарумманинг "ПСЖ" билан амалдаги шартномаси 2026 йилгача мўлжалланган. Transfermarkt портали дарвозабоннинг нархини 40 миллион еврога баҳоламоқда.
2024/25 йилги мавсумда Доннарумма барча турнирларда 47 та ўйинда майдонга тушди ва 43 та гол ўтказиб юборди. У 17 бор дарвозаси дахлсизлигини сақлаб қолган.
