"Manchester Siti" va "Bavariya" "PSJ" darvozaboni Janluiji Donnarummaning holatini kuzatib bormoqda, deb xabar berdi X insayderi Nikolo Skira ijtimoiy tarmog‘ida.
Avvalroq, 26 yoshli italiyalikning Parij klubidagi kelajagi uning shartnomani uzaytirish istagiga bog‘liq ekani ma’lum bo‘lgandi.
Donnarummaning "PSJ" bilan amaldagi shartnomasi 2026 yilgacha mo‘ljallangan. Transfermarkt portali darvozabonning narxini 40 million yevroga baholamoqda.
2024/25 yilgi mavsumda Donnarumma barcha turnirlarda 47 ta o‘yinda maydonga tushdi va 43 ta gol o‘tkazib yubordi. U 17 bor darvozasi daxlsizligini saqlab qolgan.













