"Реал" ярим ҳимоячиси Жуд Беллингем елкасидаги муаммо туфайли жарроҳлик амалиётини бошдан кечирди. Инглиз касалхонадан тушган суратини ижтимоий тармоққа жойлаштирди ва унга матн ҳам илова қилди.

"Эндрю Уоллес ва Сюзан Александерга, уларнинг жамоаси ва клиниканинг барча ходимларига операция ва меҳмондўстлик учун раҳмат. Қолган барчага - барча эзгу тилаклар ва муҳаббат сўзлари учун ташаккур. Қайтиш жараёни аллақачон бошланган, тез орада кўришамиз," деб ёзган Беллингем.

Аввалроқ матбуотда Жуд Беллингемнинг тикланиши учун 10 ҳафтадан 12 ҳафтагача вақт керак бўлиши ҳақида ёзишганди. Шу тариқа, "Реал" 2025/2026 йилги мавсум стартини инглизсиз ўтказишига тўғри келади.