Матбуотда "Реал" аллақачон Тибо Куртуа билан шартномани узайтиргани ҳақида хабарлар тарқалди. Кейинчалик Мадрид клуби яна бир неча футболчи билан янги меҳнат шартномалари тузишни режалаштирмоқда.
Нуфузли инсайдер Фабрицио Романонинг ижтимоий тармоқларда ёзишича, Куртуадан кейин ҳужумкор ярим ҳимоячи Браим Диас "Реал" билан янги шартнома имзолайди. 25 ёшли футболчи билан "қаймоқранглилар" келишувга эришган.
Шунингдек, тез орада ўтган мавсумда барқарор ўйин кўрсата бошлаган 22 ёшли ҳимоячи Рауль Асенсио "Реал" билан янги меҳнат шартномасини имзолайди. Асенсионинг янги шартномаси 2030/2031 йилги мавсум охиригача мўлжалланган.













